Jun 03, 2024 | 10:18 Mühüm hadisələr
Neft və Qaz İnstitutunun elmi katibi Yer elmləri üzrə fəlsəfə doktoru Şəlalə Hüseynova Avropa Yer Elmləri Alimləri və Mühəndisləri Assosiasiyasının Yer Elmlərində və Mühəndislikdə Qadınlar İcmasının (EAGE Women in Geoscience & Engineering) 2024-2026-cı illər üzrə üzvü seçilib.
Yer Elmlərində və Mühəndislikdə Qadınlar İcması cinsindən, yaşından və ixtisasından asılı olmayaraq əməkdaşlıq şəbəkəsini inkişaf etdirmək, geoelm və mühəndislik sahələrində bərabərliyi dəstəkləmək missiyası olan şəbəkədir.
Motivasiya məsləhətləri və mentorluq, karyera imkanlarının bərabər paylanması və qadınların sənayedə çalışması ilə bağlı problemlərin müzakirəsi İcmanın fəaliyyətinin əsasını təşkil edir. Eyni zamanda İcmanın fəaliyyəti qadınların iş - həyat balansının saxlanılması, ikili karyera və liderlik kimi məsələləri də əhatə edir.
